ABŞ ordusunun təyyarədaşıyan gəmisi olan “USS Gerald R. Ford”un təmiri bir il çəkə bilər. Çünki gəmi İrana qarşı hərbi əməliyyat zamanı əvvəllər etiraf ediləndən daha çox ziyana məruz qalıb.

Bu barədə CNN mənbələrə istinadən məlumat yayıb.

Mart ayında təyyarədaşıyan gəmidə baş verən yanğının Hərbi Dəniz Qüvvələrinin rəsmi açıqlamasında iddia ediləndən daha ciddi və dağıdıcı olduğu bildirilir.

ABŞ-ın yüksək vəzifəli bir rəsmisinin sözlərinə görə, təyyarədaşıyan gəminin yanğınsöndürmə sistemi sıradan çıxıb və dənizçiləri alovla özləri mübarizə aparmağa məcbur edib. Yanğını yalnız 30 saatdan sonra söndürmək mümkün olub.

CNN-in məlumatına görə, digər problem təyyarədaşıyan gəminin kanalizasiya sisteminin sıradan çıxması olub.

Qeyd edək ki, “USS Gerald R. Ford” rekord 11 ay müddəti örzində dənizdə qaldıqdan sonra may ayında Virciniya ştatının Norfolk şəhərindəki limana qayıdıb.

Oxşar xəbərlər

Pentaqon Yaxın Şərqdəki "USS Gerald R. Ford" təyyarədaşıyan gəmisini geri çağırır

ABŞ-nin təyyarədaşıyan gəmisi ticarət gəmisi ilə toqquşub

ABŞ-nin təyyarədaşıyan gəmisi Misir sahillərində qəzaya uğrayıb

ABŞ 48 saatda 30 təyyarə göndərdi: Hücum başlayır

Makron: Yeni təyyarədaşıyan gəminin tikintisi 10 milyard avroya başa gələcək