İsrail və Azərbaycan arasında müdafiə sənayesi sahəsində də əməkdaşlıq inkişaf etməkdə davam edir.

“Sizinxeber.az” xəbər verir ki, bu barədə İsrailin Azərbaycandakı səfiri Corc Dik özünün “X” hesabında yazıb.

O bildirib ki, “AS Holdings” və onun törəmə şirkəti, NATO standartlarına uyğun yüngül silahların istehsalı və inkişafı üzrə ixtisaslaşmış beynəlxalq miqyaslı “Ari Arms” şirkəti bu gün Azərbaycan Müdafiə Sənayesi Nazirliyinin tabeliyində olan “Azərsilah” dövlət şirkəti ilə Strateji Anlaşma Memorandumu (MOU) imzalayıb:

“Bu əvəzolunmaz tərəfdaşlıq ölkələri daha da yaxınlaşdırır, müstəqillik və milli təhlükəsizliyi gücləndirmək üçün birgə inkişafa və birgə səylərə kömək edir. İmzalanma mərasimində müxtəlif nazirliklərin, idarələrin nümayəndələri, rəsmi şəxslər iştirak ediblər”.

Oxşar xəbərlər

4SIM “Binance”la Anlaşma Memorandumu imzalayıb

“Türkmengaz” və ADNOC “Qalkınış” yatağının işlənməsi üzrə anlaşma memorandumu imzalayıb

Azərbaycan və Millətlər Birliyi arasında iqlim dəyişikliyi üzrə bəyannamə imzalanıb

ETX və AİKTSA arasında Anlaşma Memorandumu imzalanıb

Azərbaycan Atıcılıq Federasiyası Anlaşma Memorandumu imzalayıb