Birinci Qarabağ müharibəsində şəhid olan Səfərəli Səfərovun qalıqları dəfn edilib - FOTO

Birinci Qarabağ müharibəsində itkin düşdüyü ehtimal edilən, 32 il sonra dəfn yeri və kimliyi müəyyən olunan şəhid Səfərov Səfərəli Allahverdi oğlunun qalıqları dəfn edilib.

APA xəbər verir ki, şəhidin qalıqları Sumqayıt Şəhidlər xiyabanında torpağa tapşırılıb.

Qeyd edək ki, Səfərəli Səfərov 1973-cü ildə Ermənistanın Qafan rayonunda anadan olub. 1992-ci ildə Ağdərə rayonunda gedən döyüşlərdə itkin düşüb.

Şəhidin qalıqları Ağdamın Sırxavənd kəndində tapılıb və kimliyi müəyyən olunub.