Birinci Qarabağ müharibəsində itkin düşmüş, 30 ildən sonra dəfn yeri və kimliyi müəyyənləşdirilən şəhid Cavanşir Hüseynovun və Tahir Şirinovun qalıqları ailələrinə təhvil verilib.

APA xəbər verir ki, hər iki şəhidin qalıqları bu gün Abşeron rayonu Mehdiabad qəsəbəsindəki Şəhidlər xiyabanında dəfn edilib.

Hüseynov Cavanşir Ərşad oğlu 1960-cı ildə Cəbrayıl rayonunun Doşulu kəndində anadan olub.

Şirinov Tahir Şirin oğlu oğlu da 1959-cu ildə Cəbrayıl rayonunun Doşulu kəndində anadan olub.

Qeyd edək ki, Cəbrayıl rayonunun Doşulu kənd sakini Şirinov Tahir Şirin oğlu 23 oktyabr 1993-cü il tarixdə atası Şirinov Şirin Bilal oğlu, qardaşı Şirinov Nazim Şirin oğlu və dayısı oğlu Hüseynov Cavanşir Ərşad oğlu ilə birlikdə Füzuli rayonunun Şükürbəyli kəndində itkin düşüb.

Nazim Şirinovun qalıqları iyunun 7-də Mehdiabaddakı Şəhidlər xiyabanında dəfn olunub.

Oxşar xəbərlər

Qarabağ müharibəsində itkin düşmüş, 32 ildən sonra dəfn yeri və kimliyi bilinən iki şəhid dəfn olunub - FOTO

Daha 7 itkin-şəhidin dəfn mərasimi keçiriləcək - FOTO

I Qarabağ müharibəsinin daha yeddi itkin şəhidi dəfn ediləcək

Abşeronda Birinci Qarabağ müharibəsinin dörd şəhidi dəfn edilib - YENİLƏNİB