Qadın voleybolçular arasında Azərbaycan Yüksək Liqasında bu gün XVIII tura yekun vurulacaq

Qadın voleybolçular arasında Azərbaycan Yüksək Liqasında bu gün XVIII tura bir oyunla yekun vurulacaq.

"Sizinxeber.az"un məlumatına görə, "Gəncə" evdə "Murov Az Terminal"la qarşılaşacaq.

Gəncə İdman Sarayında keçiriləcək görüş saat 14:00-da başlayacaq. "Gəncə" hazırda 24 xalla turnir cədvəlində dördüncü pillədə qərarlaşıb. 18 xala malik "Murov Az Terminal" isə beşincidir.

Qeyd edək ki, turun ötən gün keçirilən görüşlərində “Abşeron” “Milli Aviasiya Akademiyası”na, "Azərreyl" isə UNEC kollektivinə 3:0 hesabı ilə qalib gəlib.