Azərbaycan Basketbol Liqasında VII tura bu gün start veriləcək.

"Sizinxeber.az"un məlumatına görə, əvvəlcə NTD "Naxçıvan"la üz-üzə gələcək.

Qarşılaşma saat 16:00-da başlayacaq. "Sabah" - "Neftçi" görüşü isə saat 20:00-da start götürəcək. A qrupunun hər iki oyunu "Sərhədçi" İdman Mərkəzində gerçəkləşəcək.

"Sabah" 12 xalla qrupda birinci, "Naxçıvan" 11 xalla ikinci pillədə qərarlaşıb. Beşinci olan NTD-nin 7 xalı var. "Neftçi" isə 6 xalla sonuncu - altıncıdır.

B qrupunda bir oyun reallaşacaq. "Lənkəran" səfərdə "Sumqayıt"ın qonağı olacaq. Qarşılaşma Sumqayıt Olimpiya İdman Mərkəzinin meydanında, saat 15:00-da start götürəcək. Hazırda "Lənkəran" 8 xalla beşincidir. Qrup sonuncusu olan "Sumqayıt"ın 7 xalı var.

Qeyd edək ki, turun digər oyunları dekabrın 18-də keçiriləcək.

Oxşar xəbərlər

Azərbaycan Basketbol Liqası: V tura bir oyunla start veriləcək

Azərbaycan Basketbol Liqasında VI turun daha bir oyunu baş tutacaq

Azərbaycan Basketbol Liqasında V turun daha bir oyunu keçiriləcək

Azərbaycan Basketbol Liqasında bu gün daha iki oyun keçiriləcək

Azərbaycan Basketbol Liqası: "Gəncə" "Sumqayıt"la qarşılaşacaq