İngiltərə millisinin kapitanı Lonq Ben Bakıda keçirilən minifutbol üzrə dünya çempionatının oyunlarına yüksək səviyyədə hazırlaşmaq üçün hər cür şəraitin olduğunu bildirib.

Futbloçu bunu "Report"a açıqlamasında deyib.

Milli Gimnastika Arenasında gördükləri onun ürəyincə olub:

"Burada futbolçuların masaj olunması üçün də şərait yaradılıb. Daha sonra ən yaxşı səviyyədə vanna qəbul edə bilirik. Beləliklə, matçlara yüksək motivasiya ilə hazırlaşırıq".

L.Ben Bolqarıstan üzərində qələbə qazanaraq 1/4 finala yüksəldikləri oyun barədə də danışıb:

"Bu, turnirdə keçirdiiymiz ən çətin görüş idi. Rəqibin heyətində yaxşı futbolçular çoxdur. Hesabda öndə olarkən müdafiəyə çəkildik. Lakin təəssüf ki, qələbə hesabını qoruya bilmədik. Penalti zərbələri lotereyadır və biz bundan qlaib ayrıldıq. Bəlkə də turnirin ən güclü qapıçısı bizdədir. Qələbəyə görə şadıq".

Qeyd edək ki, İngiltərə mllisi 1/8 finalda Bolqarıstan ilə üz-üzə gəlib və matçın əsas vaxtı 2:2 hesabı ilə yekunlaşıb. Penalti zərbələrində daha dəqiq olan (3:1) ingilislər növbəti mərhələyə adlayıblar.

Oxşar xəbərlər

Serbiya minifutbol millisinin üzvü: "Milli Gimnastika Arenasında oynamaq bizim üçün çox əlverişlidir"

Azərbaycan minifutbol millisinin kapitanı: “Rumıniya ilə son illərdə keçirdiyimiz oyunların hamısında qələbə qazanmışıq”

Milli Gimnastika Arenasında minifutbol üzrə dünya çempionatının daha bir oyunu keçirilib

Azərbaycan millisinin kapitanı: "Dünya çempionatının qalibi olmağı çox istərdim"

Özbəkistan millisinin üzvü: "Bakıda dünya çempionatı ideal təşkil olunub"