Azərbaycan millisindən əzmkar oyun və yaxşı nəticələr gözləyirik.

Bunu "Sizinxeber.az"a açıqlamasında AFFA-nın icraçı vitse-prezidenti Sərxan Hacıyev deyib.

Qurum rəsmisi Azərbaycan millisinin Latviya və Macarıstan yığmalarına qarşı keçirəcəyi yoldaşlıq oyunları barədə danışıb:

"Bildiyiniz kimi, hər iki qarşılaşma yoxlama xarakteri daşıyır. Milli 2026-cı il dünya çempionatının seçmə mərhələsinin oyunlarına hazırlaşır. Təbii ki, yoxlama görüşləri də olsa, komandamızdan əzmkar oyun və qələbə gözləyirik. Heyətlə bağlı suallar adətən baş məşqçiyə verilir. Lakin heyətlər açıqlananda yəqin ki, müəyyən dəyişikliklər olacaq".

Qeyd edək ki, Fernandu Santuşun rəhbərlik etdiyi kollektiv iyunun 7-də Riqadakı “Skonto” stadionunda Latviya ilə üz-üzə gələcək. Komanda 3 gün sonra “Liv Bona Dea Arena”da Macarıstanla qarşılaşacaq.

Oxşar xəbərlər

AFFA-nın içraçı vitse-prezidenti: "Fernandu Santuşun istefaya göndərilməsi məsələsi hazırda gündəmdə deyil"

Sərxan Hacıyev: AFFA-nın strategiyasının yazılmasında Fernandu Santuşun da qeydləri nəzərə alınacaq

AFFA-nın icraçı vitse-prezidenti Fernandu Santuşa 70 illik yubileyi ilə əlaqədar forma hədiyyə edib

AFFA-nın icraçı vitse-prezidenti: Oktyabrda lisenziyalaşdırma qaydaları ilə bağlı iclas keçiriləcək

AFFA milli komanda üçün daha iki rəqib axtarır