İspaniyanın “Real Madrid” futbol klubu UEFA Çempionlar Liqasının hazırkı qalibi kimi titulu qazandıqdan sonra qrup mərhələsində üç oyunu uduzan ilk komanda olub.

“Sizinxeber.az” xəbər verir ki, bu barədə idman statistikası üzrə ixtisaslaşmış “Opta” şirkəti özünün sosial şəbəkə hesabında bildirib.

Çempionlar Liqasının ümumi mərhələsinin 5-ci turunda “kral klubu” “Liverpul”a 0:2 hesabı ilə məğlub olub. Daha öncə Madrid təmsilçisi İtaliyanın “Milan”ına və Fransanın “Lill”inə yenilmişdi.

Hazırda ispan klubu Çempionlar Liqasının turnir cədvəlində 6 xalla 24-cü yerdədir. Turnirin liqa mərhələsinin qalan üç oyununda komanda “Atalanta”, “Red Bull Zalsburq” və “Brest”lə qarşılaşacaq.

Qeyd edək ki, liqa mərhələsinin turnir cədvəlinə niderlandlı mütəxəssis Arne Slotun “Liverpul”u başçılıq edir.

Xatırladaq ki, daha əvvəl “Opta”nın superkompüteri İngiltərə Premyer Liqasının qalibini proqnozlaşdırmışdı.

Oxşar xəbərlər

"Barselona" klubu rekorda imza atıb

Çempionlar Liqası: “Real Madrid” və “Bayer” böyük hesabla məğlub olublar

UEFA Çempionlar Liqasında Liqa mərhələsinin II turuna yekun vurulub

UEFA Çempionlar Liqası: Liqa mərhələsində I turun daha 2 oyunu keçirilib

UEFA Çempionlar Liqası: Liqa mərhələsində I turun görüşlərinə yekun vurulub - YENİLƏNİB