Fransa Hərbi Dəniz Qüvvələri (HDQ) Siciliya sahillərində "Deliver" neft tankerini saxlayıb.

"Report" xəbər verir ki, bu barədə Fransa Prezidenti Emmanuel Makron "X" sosial şəbəkəsində bildirib.

"Milli donanma çərşənbə axşamı Siciliya yaxınlığından dəniz qaydalarını pozaraq keçən Deliver tankerini saxlayıb. Birləşmiş Krallığın analoji əməliyyatından bir neçə gün sonra "kölgə donanması"na qarşı həyata keçirilən bu yeni aksiya avropalıların qətiyyətini nümayiş etdirir. Biz "kölgə donanması"nın sanksiyalardan yan keçməsinə və Rusiyanın hərbi səylərini maliyyələşdirməsinə imkan verməyəcəyik. Avropa tam qətiyyətlidir", - o qeyd edib.

Makron vurğulayıb ki, Avropa Ukraynada möhkəm və davamlı sülhün bərqərar olması üçün bütün lazımi səyləri davam etdirəcək.

Oxşar xəbərlər

Britaniya Rusiyanın “kölgə donanması”na sanksiyalar tətbiq edəcək

İsveç Baltik dənizində Rusiyanın "kölgə donanması"a aid tankeri saxlayıb

Britaniya Rusiyanın “kölgə donanması”na qarşı yeni sanksiyalar tətbiq edib

Ukrayna ordusu Rusiyanın kölgə donanmasının iki tankerinə zərbə endirib

İran neft tankerini saxlayıb