Türkiyə Superliqasının VI-cı turunda "Fənərbağça" və "Qalatasaray" komandaları üz-üzə gəlib.

"Sizinxeber.az"un məlumatına görə, "Ülkər" Stadionunda baş tutan İstanbul derbisində "Qalatasaray" 3:1 hesablı qələbə qazanıb.

"Fənərbağça"nın futbolçusu Dominik Livakoviç 20-ci dəqiqədə avtoqolla yadda qalıb. "Qalatasaray"ın heyətində Drays Mertens (28) və Lukas Torreyra (59) fərqlənməyi bacarıb. "Fənərbağça"nın heyətində rəqib qapısına yol tapan yeganə futbolçu Edin Ceko olub. O, 63-cü dəqiqədə penaltidən fərqlənib.

Qeyd edək ki, bu nəticədən sonra "Qalatasaray" 18 xalla turnir cədvəlində lider mövqeyini qoruyub saxlayıb. 13 xala malik "Fənərbağça" isə ikinci yerdədir.

Oxşar xəbərlər

Türkiyə Super Liqası: "Qalatasaray" bu gün səfərdə "Fənərbağça" ilə üz-üzə gələcək

"Fənərbağça" - "Qalatasaray" matçının vaxtı müəyyənləşib