Minifutbol üzrə Çexiya millisi Qazaxıstan kimi güclü kollektivdir.

Bu sözləri "Report"un Bratislavaya ezam olunan əməkdaşına açıqlamasında Azərbaycan millisinin üzvü Məhəmməd Xəlilov deyib.

O, Slovakiyada keçirilən Avropa çempionatının 1/4 finalında qarşılaşacaqları rəqib barədə danışıb:

"Çexiya da Qazaxıstan kimi güclü kollektivdir. Həmin görüşə də yaxşı hazırlaşacağıq. Rəqibin oyunlarına baxmışıq. Yenidən təhlil edəcəyik".

O, 1/8 finalda Qazaxıstanı 3:2 hesabı ilə üstələdikləri matça da toxunub:

"Qələbəni Azərbaycan xalqına həsr edirik. Oyunun çətin keçəcəyini bilirdik. Lakin qələbə qazanmağa müvəffəq olduq. Matça da yaxşı hazırlaşmışdıq. Qalibiyyətdə bütün komandanın əməyi böyükdür".

M.Xəlilov arenada komandaya dəstək olan fanatlar haqqında da fikirlərini bölüşüb:

"Azarkeşlərin dəstəyini hiss edirik. Onların tribunada yer alması oyunumuza təsir edir. Hər birinə təşəkkür edirəm".

Qeyd edək ki, Çexiya - Azərbaycan oyunu bu gün, Bakı vaxtı ilə saat 00:00-da start götürəcək.

Oxşar xəbərlər

Azərbaycan millisinin qapıçısı Ağaseyid Qasımov: "Qazaxıstan üzərində layiqli qələbə qazandıq"

Azərbaycan millisinin üzvü Mirmehdi Rzayev: "İtaliya ilə matçda mütləq qələbə qazanmalıyıq"

Azərbaycanın minifutbol millisi Avropa çempionatının 1/4 finalında bu gün Çexiya ilə qarşılaşacaq

Avropa çempionatı: Azərbaycanın minifutbol millisi Qazaxıstanı məğlub edərək 1/4 finala yüksəlib

Elşad Quliyev: "Qazaxıstanla oyunadək belə çətinlik görmədik"