Türkiyənin məşhur gimnastı, idman gimnastikası üzrə dünya çempionatının (paralel qollarda) və fərdi çoxnövçülük üzrə Avropa çempionatının gümüş medalçısı Əhməd Öndər Bakıda "ustad dərsləri" keçəcək.

Bu barədə "Report"a Azərbaycan Gimnastika Federasiyasının mətbuat xidmətindən məlumat verilib.

Tədbir dekabrın 6-da Milli Gimnastika Arenasında, bir gün sonra isə Heydər Əliyev adına İdman-Konsert Kompleksində gerçəkləşəcək. İlk olaraq klublar, ardınca isə Azərbaycan millisi üçün "ustad dərsləri" təşkil olunacaq.

İntensiv proqram zamanı iştirakçılar Əhməd Öndərin məşq metodikası, texnikası və dünya səviyyəsindəki təcrübələrindən faydalanacaq.

"Ustad dərsləri" həm gimnastlar, həm də bu sahəyə yeni başlayanlar üçün nəzərdə tutulub.

Oxşar xəbərlər

Azərbaycan millisinin məşqçisi "ustad dərsləri" keçəcək

Azərbaycanın paralimpiya çempionu yeniyetmələrə "ustad dərsi" keçəcək

Dünya çempionatının gümüş mükafatçısı olan gimnastlar vətənə qayıdıb

Laçın Şəhəri Günü münasibətilə ustad dərsləri keçirilib - FOTO

Azərbaycan Cüdo Federasiyası Gəncədə "ustad dərsi" təşkil edib