ABŞ Açıq çempionatının finalı İtaliya televiziyası tarixində ən çox baxılan tennis matçı olub.

"Sizinxeber.az" xəbər verir ki, bu barədə jurnalist Luka Fiorino şəxsi "X" hesabında bildirib.

Bu, "SuperTennis TV"də ən çox izlənilən qarşılaşma kimi tarixə düşüb. Oyunu orta hesabla 1 milyon 788 min italyan izləyib.

Jurnalistin sözlərinə görə, İtaliyada hər on televizordan biri "SuperTennis TV"yə köklənib. Müxtəlif hesablamalara görə, İtaliyanın əhalisi təxminən 60 milyon nəfərdir.

Qeyd edək ki, italiyalı tennisçi Yannik Sinner ABŞ Açıq çempionatının finalında yerli idmançı Teylor Fritsi məğlub edib - 3:0 (6:3, 6:4, 7:5).

Oxşar xəbərlər

ABŞ Açıq çempionatının qalibi olan tennisçi rekordu təkrarlayıb

Məşhur tennisçi ayağından əməliyyat olunub