Gənclər və idman naziri Fərid Qayıbov Bərdə şəhərinə səfəri çərçivəsində Bərdə Olimpiya İdman Kompleksinin mövcud vəziyyəti ilə maraqlanıb.

Nazirliyin mətbuat xidmətindən "Sizinxeber.az"a verilən məlumata görə, kompleksin hazırkı şəraiti barədə ətraflı məlumat alan nazir infrastrukturun inkişafı və fəaliyyətin təkmilləşdirilməsi ilə bağlı müvafiq tapşırıqlar verib.

Daha sonra Fərid Qayıbov Yevlax rayonunda inşası davam edən Olimpiya İdman Kompleksində aparılan tikinti işləri ilə maraqlanıb. Layihənin icra vəziyyəti və qarşıda duran vəzifələrə dair müzakirələr aparılıb. Nazir kompleksin inşasının keyfiyyətlə və müəyyən olunmuş vaxt çərçivəsində başa çatdırılmasının vacibliyini vurğulayıb.

Qeyd edək ki, bu il sentyabr ayının sonunda Azərbaycanda keçiriləcək III MDB Oyunları çərçivəsində boks yarışları Yevlax Olimpiya İdman Kompleksində təşkil olunacaq.

Oxşar xəbərlər

Nazir III MDB Oyunları ilə bağlı Yevlax Olimpiya İdman Kompleksinə baxış keçirib

Şöbə müdiri: Yevlax Olimpiya İdman Kompleksi ən müasir standartlara cavab verəcək

Tərtər Olimpiya İdman Kompleksində cüdo zalı fəaliyyətə başlayıb

İlham Əliyev Yevlax Olimpiya İdman Kompleksində görülmüş işlərlə tanış olub

MOK nümayəndəsi idman gimnastlarımızla görüşüb