Fövqəladə Hallar Nazirliyinin "112" qaynar telefon xəttinə Sumqayıt şəhəri, 4-cü məhəllə ünvanında yerləşən üçmərtəbəli binada yanğın baş verməsi barədə məlumat daxil olub.

Nazirlikdən APA-ya verilən xəbərə görə məlumatla əlaqədar FHN-in Dövlət Yanğından Mühafizə Xidmətinin qüvvələri dərhal əraziyə cəlb olunub.

Əməliyyat şəraiti qiymətləndirilərkən, yanğının üçmərtəbəli yaşayış binasının zirzəmisində baş verdiyi müəyyən edilib.

Yanğınsöndürənlər tərəfindən yanğın genişlənməsinə imkan verilmədən qısa müddətdə söndürülüb.

Yanğın nəticəsində zirzəmidə yerləşən vətəndaşa məxsus ümumi sahəsi 70 kv.m. olan ikiotaqlı mənzilin mətbəxinin yanar kostruksiyaları 15 kv.m. sahədə və yataq otağında 1 ədəd çarpayı və 1 ədəd televizor yanıb.

Mənzilin böyük hissəsi yanğından mühafizə olunub.

Təhlükəsizlik tədbirləri çərçivəsində iki nəfər bina sakini təhlükəsiz əraziyə təxliyə olunub.

***

20:18

Sumqayıtda yanğın baş verib

APA xəbər verir ki, hadisə şəhərin 4-cü məhəlləsində yerləşən 12/21 saylı binasının yaşayış olan zirzəmisində qeydə alınıb.

Əraziyə aidiyyəti qurumların əməkdaşları cəlb olunub. Zirzəmidə yaşayan 1 ailənin 3 üzvü və qonşular binadan təxliyə edilib.

Hadisəyə səbəb cərəyən xəttinə taxılan adapterin partlamasının olduğu buldirilir.

Faktla bağlı araşdırma aparılır.

Oxşar xəbərlər

Gəncədə yaşayış binasında yanğın olub - YENİLƏNİB - VİDEO

Bakıda yataqxanada yanğın olub, 5 nəfər təxliyə edilib - YENİLƏNİB-1

Yasamal rayonunda onbirmərtəbəli yaşayış binasında yanğın baş verib

Yasamal rayonunda onbirmərtəbəli yaşayış binasında yanğın baş verib - VİDEO

Bakıda yaşayış binasında yanğın olub, 10 nəfər təxliyə edilib - YENİLƏNİB - VİDEO