Qubad İbadoğlunun işi ilə bağlı Türkiyədə saxlanılaraq Azərbaycana gətirilən Fazil Qasımov və onunla birlikdə ittiham olunan Anar Əliyevin məhkəməsi keçirilib.

"Report" xəbər verir ki, Bakı Ağır Cinayətlər Məhkəməsində hakim Mahirə Kərimovanın sədrliyi ilə keçirilən məhkəmə iclasında Fazil Qasımov vəkilləri müvəkilləri ilə üzbəüz ünsiyyət qurmaq üçün vəsatət veriblər.

Məhkəmə vəsatəti təmin edib.

Belə ki, zal boşaldılaraq Fazil Qasımovun vəkilləri ilə görüşünə şərait yaradılıb.

Daha sonra məhkəmə digər vəsatətlərin müzakirəsi ilə davam edib.

Fazil Qasımovun vəkili Rövşanə Rəhimova müvəkkilinin səhhətindəki problemlərlə bağlı ev dustaqlığına buraxılması ilə bağlı vəsatət verib.

Həmçinin vəkil bildirib ki, bu cinayət işi Qubad İbadoğlunun cinayət işi ilə birlikdə başlasa da, indi Qubad İbadoğlu səhhəti ilə əlaqəli olaraq evdədir.

Məhkəmə müşavirədən sonra ev dustaqlığı və cinayət işinə xitam verilməsi barədə verilmiş vəsatətləri təmin etməyib.

Proses oktyabrın 10-da davam edəcək.

Qeyd edək ki, Fazil Qasımov Cinayət Məcəlləsinin 204.3.1 (saxta pul və ya qiymətli kağızlar hazırlama, əldə etmə və ya satma mütəşəkkil dəstə tərəfindən törədildikdə) maddəsi ilə ittiham olunur.
O, Qubad İbadoğlunun işi ilə bağlı saxlanılıb. İstintaqın gedişində Fazil Qasımovun işi Qubad İbadoğlunun işindən ayrılaraq icraata götürülüb.

Oxşar xəbərlər

Fazil Qasımovun ev dustaqlığına buraxılması və cinayət işinə xitam verilməsi barədə vəsatətlər təmin edilməyib

Türkiyədə saxlanılaraq Azərbaycana gətirilən Fazil Qasımov və onunla birgə ittiham olunan Anar Əliyevin məhkəməsi başlayıb

Türkiyədə saxlanılaraq Azərbaycana gətirilən Fazil Qasımov və onunla birgə ittiham olunan şəxsin məhkəməsi başlayıb

Həbsdə olan alim cinayət işinə Qubad İbadoğlu ilə bir icraatda baxılmasını istəyib - MƏHKƏMƏ

Fazil Qasımovun məhkəməsində Qubad İbadoğlunun ifadə verməsi istənilib