Fövqəladə Hallar Nazirliyinin “112” qaynar telefon xəttinə Samux rayonu, Çobanabadlı kəndində vətəndaşın quyuda köməksiz vəziyyətdə qalması barədə məlumat daxil olub.

APA xəbər verir ki, bu barədə FHN-in Mətbuat xidməti məlumat yayıb.

Məlumatla əlaqədar dərhal FHN-in Gəncə Regional Mərkəzinin xilasediciləri əraziyə cəlb olunub.

Hadisə yerində əməliyyat şəraiti qiymətləndirilərkən məlum olub ki, 1988-ci il təvəllüdlü Fərmanlı Rauf Ələddin oğlu 20 metrə yaxın dərinliyi olan quyuya düşüb xəsarətlər alaraq köməksiz vəziyyətdə qalıb.

Xilasedicilər xüsusi vasitələrlə vətəndaşı quyudan çıxararaq xilas ediblər.

APA-nın yerli bürosunun xəbərinə görə, xilas edilən şəxs ayağında sınıq xəsarəti ilə xəstəxanaya yerləşdirilib, vəziyyətinin orta ağır olduğu bildirilir.
Məlumata görə, 38 yaşlı kişi ehtiyatsızlıqdan quyuya düşüb.
Faktla bağlı araşdırma aparılır.

Oxşar xəbərlər

Göygöldə quyuya düşən şəxs xilas olunub

Mingəçevirdə dərədə köməksiz qalan şəxs xilas edilib - VİDEO

Xəzər rayonunda su quyusuna düşən şəxs FHN-in əməkdaşları tərəfindən xilas edilib - VİDEO

FHN: Sumqayıtda köməksiz vəziyyətdə qalmış vətəndaş xilas edilib - VİDEO

FHN: Avtomobildə sıxılı vəziyyətdə qalan şəxs xilas edilib - VİDEO