Tehran Vaşinqtona kompensasiya müqabilində Hörmüz boğazını açmağı təklif edib.

"Report" xəbər verir ki, bu barədə Səudiyyə Ərəbistanının "Al Arabiya" televiziya kanalı diplomatik mənbələrə istinadən məlumat verib.

"İran ABŞ-dan kompensasiya müqabilində Hörmüz boğazını açmağı təklif edib", - deyə mənbə əlavə edib.

Qeyd olunub ki, İran ABŞ ilə dolayı danışıqlarda vasitəçilik edən Pakistana iki təklif çatdırıb.

İran hakimiyyəti həmçinin hər hansı bir müqavilə imzalamadan əvvəl sanksiyalar və dondurulmuş aktiv qeydlərini müzakirə etməyi təklif edib.

Daha əvvəl İran Xarici İşlər Nazirliyinin rəsmi nümayəndəsi İsmayıl Baqai nüvə dosyesinin və sanksiyaların ləğvi məsələsinin ABŞ ilə danışıqların hazırkı mərhələsində müzakirə olunmayacağını bildirib.

Onun sözlərinə görə, məhdudiyyətlərin qaldırılması tələbi İranın dəyişməz mövqeyidir və razılaşma üzərində işlərin başa çatmasından sonra növbəti mərhələlərdə müzakirə olunacaq. Cümə günü Pakistan Ordusunun Baş Qərargah rəisi, feldmarşal Asim Munir vasitəçilik missiyasının bir hissəsi olaraq Tehrana gəlib. O, artıq İranın xarici işlər naziri Abbas Əraqçi və İran Parlamentinin sədri Məhəmməd Bağır Qalibafla görüşüb.

Oxşar xəbərlər

İran sanksiyaların ləğvi müqabilində nüvə proqramını daha şəffaf etməyə hazırdır

Əraqçi təkzib edib: Sülh planı nüvə məsələlərini əhatə etmir - YENİLƏNİB

İran XİN: Tehran və Vaşinqton 14 bəndlik təklif üzərində müzakirələri davam etdirir

İran Hörmüzlə bağlı addımları qonşu ölkələrlə əlaqələndirmək niyyətindədir

Media: ABŞ hərbi gəmiləri Tehranla razılaşdırmadan Hörmüzü keçib