Qərb ölkələri islamofobiyanı yerli sakinlərə bir növ sırıyırlar.

"Report" xəbər verir ki, bunu Milli Məclisin deputatı Tural Gəncəliyev Bakıda "İslamofobiya diqqət mərkəzində: Qərəzin ifşası, stiqmaların dağıdılması" mövzusunda keçirilən beynəlxalq elmi konfransı zamanı panel müzakirəsində deyib.

Onun sözlərinə görə, islamofobiya və irqçilik bir-biri ilə əlaqəlidir:

"Məsələn, İsveçrədə 11 faiz ağdərili müsəlman əhali islamafobiyaya məruz qalır. İslamofobiya dünya ölkələrində getdikcə şaxələnir. Bu şaxələnmənin bir ucu da irqçiliyə gətirib çıxarır, insanlar arasında ədavət salır. Buna görə də müsəlman, xristian və yəhudilər birlik içində olmalı, birgə mübarizə aparmalıdırlar".

Deputat bildirib ki, hazırda bir sıra ölkələrdə müsəlmanlara qarşı nifrət və ədavət təbliğ edilir:

"Biz buna qarşı mübarizə aparmaq istəyiriksə, birinci özümüzdən başlamalıyıq. İlk olaraq maariflənməli, ibadətin və islamın gözəlliklərini, onun yaxşı tərəflərini təbliğ etməliyik".

Oxşar xəbərlər

Bakıda keçirilən beynəlxalq elmi konfransın iştirakçıları birgə xatirə fotosu çəkdiriblər

Bakıda “İslamofobiya diqqət mərkəzində: Qərəzin ifşası, stiqmaların dağıdılması” mövzusunda beynəlxalq konfrans keçirilir

Bob Roberts: ABŞ-də müsəlmanlara qarşı fikirlər çox da müsbət deyil

Mərkəz sədri: İslamofobiya təkcə müsəlmanlara deyil, insan hüquqlarına qarşı bir təhdiddir

ICESCO nümayəndəsi: Bəzi Qərb ölkələrində İslam və "Qurani-Kərim" haqqında məlumatsızlıq var