Aşura günündə bədənə xəsarət yetirmək və müxtəlif qeyri-ənənəvi hərəkətlər etmək düzgün deyil.

"Report" xəbər verir ki, bunu Dini Qurumlarla İş üzrə Dövlət Komitəsi yanında İctimai Şuranın sədri Elnur Mustafayev jurnalistlərə açıqlamasında deyib.

Onun sözlərinə görə, bu cür davranışlar Aşura gününün mahiyyəti ilə ziddiyyət təşkil edir:

"Əslində, bu hadisənin fəlsəfəsinin və mənəvi-əxlaqi dəyərlərinin əsasında ümumbəşəri ideyalar dayanır. Buna görə də cəmiyyətimiz bu dəyərlərə uyğun davranışlara üstünlük verməlidir".

İctimai Şuranın sədri əlavə edib ki, Azərbaycanda qanvermə aksiyaları ənənə halını alıb və burada əsas məqsəd xeyirxahlıqdır:

"Müxtəlif təşkilatlarda və dini ocaqlarda Aşura günlərində qanvermə aksiyaları təşkil olunur. Toplanan qan ehtiyacı olan insanlara yönləndirilir. Bu da Aşura gününün fəlsəfəsi, ruhu və mahiyyəti ilə tam uyğunluq təşkil edir".

Oxşar xəbərlər

Azərbaycan İlahiyyat İnstitutunda Aşura günü ilə əlaqədar qanvermə aksiyası keçirilir

Dövlət Komitəsi və QMİ-nin birgə təşkilatçılığı ilə qanvermə aksiyası keçiriləcək

Sədr müavini: İldən-ilə qanvermə aksiyasına qoşulanların sayında artım hiss olunur

Aşura günü ilə əlaqədar Təzəpir məscidində qanvermə aksiyası keçirilir

İlahiyyat İnstitutunda qanvermə aksiyası keçirilir