Bu gün ölkə üzrə 40-a yaxın məntəqədə qanvermə aksiyasının keçirilməsi nəzərdə tutulub.

“Sizinxeber.az” xəbər verir ki, bunu Dini Qurumlarla İş üzrə Dövlət Komitəsinin sədr müavini Gündüz İsmayılov İlahiyyat İnstitutunda təşkil olunan qanvermə aksiyasında jurnalistlərə açıqlamasında deyib.

O bildirib ki, səhər saatlarından aksiyaya maraq böyükdür:

“Ümumiyyətlə, Aşura günü qanvermə aksiyasının keçirilməsi Azərbaycanda ənənə halını alıb”.

Sədr müavini onu da qeyd edib ki, bu il ilk dəfə işğaldan azad edilmiş ərazilərdə qanvermə aksiyası təşkil olunur:

“Şuşa və Ağdam məscidlərinin də siyahıya əlavə olunması həm qürurverici haldır, həm də simvolik məna daşıyır”.

Gündüz İsmayılov ildən-ilə aksiyaya qoşulanların sayında artım hiss olunduğunu da vurğulayıb.

Oxşar xəbərlər

Azərbaycan İlahiyyat İnstitutunda Aşura günü ilə əlaqədar qanvermə aksiyası keçirilir

Bu il ilk dəfə Şuşa və Ağdamda qanvermə aksiyası keçiriləcək

Dövlət Komitəsi və QMİ-nin birgə təşkilatçılığı ilə qanvermə aksiyası keçiriləcək

Milli Olimpiya Komitəsində kütləvi qanvermə aksiyası təşkil olunacaq

Gündüz İsmayılov: Azərbaycanda hər hansı məzhəbin üstünlüyü konteksində dini təhsil aparılmır