Fövqəladə Hallar Nazirliyinin (FHN) "112" qaynar telefon xəttinə intensiv yağışlarla əlaqədar Lənkəran şəhərində, rayonunun Girdəni, Kosalar və Şiləvar kəndlərində bəzi ərazilərin subasmaya məruz qalması barədə müraciətlər daxil olub.

Sizinxeber.Az xəbər verir ki, bu barədə FHN-in Mətbuat Xidmətinin məlumatında deyilir.

Bildirilib ki, bununla əlaqədar dərhal FHN-in Cənub Regional Mərkəzi, Kiçikhəcmli Gəmilərə Nəzarət və Sularda Xilasetmə Dövlət Xidməti, Xüsusi Riskli Xilasetmə Xidməti və Dövlət Yanğından Mühafizə Xidmətinin müvafiq qüvvələri çağırış üzrə cəlb olunublar.

Nazirliyin qüvvələri tərəfindən hazırda su basmış yerləri tərk etməkdə çətinlik çəkən vətəndaşların təxliyəsi, suyun çəkilərək kənarlaşdırılması və digər zəruri təhlükəsizlik tədbirləri həyata keçirilir. Bu vaxtadək ümumilikdə 22 nəfər vətəndaş təxliyə olunub.

Oxşar xəbərlər

Lənkəranın bir sıra kəndlərini su basıb, 22 nəfər təxliyə olunub - RƏSMİ

Lənkəranda bəzi əraziləri su basıb, 22 nəfər təxliyə olunub - FOTO - VİDEO - YENİLƏNİB

Hacıqabulda suyun çəkilərək kənarlaşdırılması işləri davam etdirilir

Su basmış ərazilərdən 31 nəfər təhlükəsiz əraziyə təxliyə edilib - YENİLƏNİB 2