2025-ci ildə Azərbaycanda ümumi dəyəri 1,3 milyard ABŞ dollarından çox olan kimya sənayesi məhsulları istehsal edilib.

"Report" xəbər verir ki, bunu İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev Bakıda keçirilən İslam İnkişaf Bankı (IsDB) Qrupunun 51-ci İllik Toplantısı çərçivəsində təşkil olunmuş panel müzakirələrində bildirib.

Onun sözlərinə görə, kimya və neft-kimya sənayesi Azərbaycanın ən güclü sənaye sahələri olaraq qalır: "2025-ci ildə kimya, əczaçılıq, rezin və plastik məhsulların istehsalının ümumi dəyəri 1,3 milyard ABŞ dollarını ötüb. Sumqayıt Sənaye Parkında fəaliyyət göstərən rezidentlərin layihə portfelinin ümumi dəyəri isə təxminən 3,5 milyard ABŞ dollarına çatıb. Bu sektor yerli karbohidrogen ehtiyatları, müasir infrastruktur və formalaşmış ixrac kanalları hesabına yüksək investisiya potensialı təqdim edir. Əsas investisiya istiqamətləri sırasında xüsusi və tikinti təyinatlı kimyəvi məhsulların istehsalı, əczaçılıq sənayesi, plastik emalı, qablaşdırma məhsulları, germetiklər və dayanıqlı kimyəvi həllər yer alır".

"Əlbəttə, bunlar yerli və xarici investorlar üçün təqdim etdiyimiz yeganə imkanlar deyil. Bununla belə, kimya və neft-kimya sənayesində həm yüksək tələbatın, həm də geniş inkişaf perspektivlərinin mövcud olduğunu görürük. Bu sahə yaxın illərdə də Azərbaycanın sənaye inkişafının əsas hərəkətverici qüvvələrindən biri olaraq qalacaq", - deyə Y.Abdullayev əlavə edib.

Oxşar xəbərlər

Bu il Sumqayıt Kimya Sənaye Parkında daha 2 müəssisə fəaliyyətə başlayacaq

Sumqayıt Kimya Sənaye Parkında “Bayraktar” PUA-ları istehsal ediləcək

Bu il Sumqayıt Kimya Sənaye Parkında daha bir neçə müəssisə fəaliyyətə başlayacaq

Yusif Abdullayev: "Azərbaycan beynəlxalq ticarət və investisiya fəallığı mərkəzi olmaq istəyir"

Sumqayıt Kimya Sənaye Parkına 6 milyard manata yaxın investisiya qoyulub