Sumqayıtın İnşaatçılar qəsəbəsində fəaliyyət göstərən içməli su istehsalı müəssisəsinin fəaliyyəti müvəqqəti dayandırılıb.

"Sizinxeber.az" xəbər verir ki, bu barədə Azərbaycan Qida Təhlükəsizliyi Agentliyi məlumat yayıb.

Belə ki, D.Bünyadzadə küçəsi 31B ünvanında fəaliyyət göstərən Bəylər Abas oğlu Əzizova məxsus müəssisədə 19 litrlik sudan nümunə götürülüb.

Məlum olub ki, müəssisədə temperaturun monitorinqi və qeydiyyatı aparılmayıb, havalandırma sistemi quraşdırılmayıb, həmçinin müvafiq təmizlik işləri görülməyib. Bundan başqa, sanitar-gigiyenik və sanitar-texniki nöqsanlar aşkarlanıb.

Müəssisə rəhbəri barəsində inzibati protokol tərtib olunub.

Araşdırmalar davam etdirilir.

Oxşar xəbərlər

“Keşlə” bazarında istehlaka yararsız 800 kq-a yaxın balıq məhsulu aşkarlanıb

Bakıda ictimai iaşə müəssisəsinin fəaliyyəti məhdudlaşdırılıb

Sumqayıtda un məmulatları müəssisəsində istehlaka yararsız məhsullar aşkarlanıb

Lənkəranda çörək sexinin qanunsuz fəaliyyəti dayandırılıb

Bakıda suşi hazırlayan müəssisədə nöqsanlar aşkarlanıb