Bundesverin beşinci hərbi nəqliyyat təyyarəsi güclü zəlzələnin nəticələrinin aradan qaldırılmasına kömək məqsədilə Venesuelaya yola düşüb.

"Report" xəbər verir ki, bu barədə Almaniya Hərbi Hava Qüvvələrinin (HHQ) rəsmi nümayəndəsinə istinadən DPA məlumat yayıb.

Məlumata görə, Aşağı Saksoniya federal əyalətində yerləşən Vunstorfdakı hərbi aviabazadan göyərtəsində xilasetmə bölmələrinin mütəxəssisləri, tibbi ləvazimatlar və zəruri avadanlıqlar olan nəqliyyat təyyarəsi havaya qalxıb.

İki təyyarənin artıq bazar günü geri qayıdacağı gözlənilir. Bundan sonra növbəti təyyarə yenidən Venesuelaya yola düşməlidir.

"Təyyarələrin buradan hər gün uçması planlaşdırılır", - HHQ nümayəndəsi vurğulayıb.

Xatırladaq ki, iyunun 25-nə keçən gecə Venesuelanın şimalında 7,1 maqnitudalı zəlzələ baş verib. ABŞ Geologiya Xidməti daha sonra 40 saniyə fərqlə 7,2 və 7,5 maqnitudalı daha iki yeraltı təkanın qeydə alındığını bildirib. Ölkə rəhbərliyi fövqəladə vəziyyət rejimi elan edib. Əsas təkanların ardınca 214 afterşok qeydə alınıb. Son məlumatlara görə, Venesuelada təbii fəlakət nəticəsində 1,4 mindən çox insan həlak olub, daha 3,2 mindən çox insan isə müxtəlif dərəcəli xəsarətlər alıb.

Oxşar xəbərlər

ABŞ-dən Venesuelaya miqrantlarla dolu iki təyyarə yola düşüb

ABŞ Venesuelaya zəlzələnin nəticələrinin aradan qaldırması üçün 150 milyon dollar ayıracaq

Tramp zəlzələdən sonra ABŞ-nin Venesuelaya kömək etməyə hazır olduğunu bildirib

7 il sonra ABŞ-dan Venesuelaya ilk təyyarə reysi...

BMT Venesuelada baş verən zəlzələdən zərər çəkənlərin sayını açıqlayıb