Qeyri-Hökumət Təşkilatlarına Dövlət Dəstəyi Agentliyi bundan sonra da həm Qlobal Cənub, həm də Azərbaycanın yerli qeyri-hökumət təşkilatları ilə bu formatda əlaqələri davam etdirəcək.

APA xəbər verir ki, bunu jurnalistlərə açıqlamasında Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyeva deyib.

O, təmsil etdiyi agentliyin Qlobal Cənub QHT-lərinə dəstəyi davam etdirəcəyini söyləyib:

"Tədbir maraqlı müzakirələrlə yadda qaldı. Qlobal Cənub QHT-ləri iqlim dəyişiklikləri ilə mübarizədə QHT-lərin rolu, D-8 formatında QHT-lərin görüşü, eyni zamanda, feyk xəbərlərlə mübarizə mövzularında müzakirələr aparıldı. Artıq müzakirələrin son günündəyik. Bu gün ikitərəfli əməkdaşlıq memorandumları da imzalandı. Agentlik Çin və Özbəkistan QHT-ləri ilə Azərbaycanın digər yerli QHT-ləri isə yeddi xarici QHT ilə anlaşma memorandumları imzalandı. Agentlik növbəti qrant müsabiqələrində Qlobal Cənubda fəaliyyət göstərən QHT-nin də təşəbbüs və ideyalarının dəstəklənməsi əsas prioritetlərdən biri kimi müəyyənləşdirəcək. İnanıram ki, yaradılan platforma öz faydalı nəticələrini verəcək və Qlobal Cənubda təmsil olunan yüz milyonlarla insanın BMT-də daxil olmaqla müxtəlif beynəlxalq təşkilatlarda səsinə çevriləcək".

Agentliyin rəhbəri Azərbaycan Prezidenti İlham Əliyevin forum iştirakçılarına müraciətinə də toxunub: "Bu müraciət həm Azərbaycanın Qoşulmama Hərəkatına layiqli sədrliyinin davamı, həm də Azərbaycan vətəndaş cəmiyyətinə ölkə prezidentinin etimadı və inamı kimi qiymətləndirilməlidir".

Oxşar xəbərlər

Aygün Əliyeva: Qlobal Cənub QHT Platforması yüz milyonlarla insanın beynəlxalq təşkilatlarda səsinə çevriləcək

QHT Agentliyi Qlobal Cənubu təmsil edən təşkilatlara dəstəyini davam etdirəcək

“Açıq hökumətin təşviqində və korrupsiyaya qarşı mübarizədə medianın rolu” mövzusunda dəyirmi masa keçirilib - FOTO

Departament direktoru: BMT qeyri-hökumət qurumları ilə işləməkdə maraqlıdır

Qlobal Cənub QHT Platformasının Təsis Forumunun ikinci günü keçirilir - FOTO