Azərbaycan Respublikasının xarici işlər nazirinin müavini Yalçın Rəfiyev Qvineya Respublikasına səfər edib.

XİN-dən APA-ya verilən xəbərə görə, 8 aprel 2025-ci il tarixində xarici işlər nazirinin müavini Yalçın Rəfiyevin rəhbərliyi ilə Azərbaycan Respublikasının hökumət missiyası Azərbaycan və Qvineya Respublikası arasında ikitərəfli siyasi, iqtisadi, humanitar və digər sahələrdə əməkdaşlığın yaradılması və genişləndirilməsi məqsədilə qarşı tərəfin dəvəti əsasında Qvineya Respublikasına səfər edib.

Səfər zamanı Yalçın Rəfiyev Qvineya Respublikasının xarici işlər naziri, Afrika inteqrasiyası və xaricdə yaşayan qvineyalılar naziri Morissanda Kouyate ilə görüş keçirib və tərəflər arasında ikitətəfli siyasi və iqtisadi əməkdaşlıq məsələləri müzakirə olunub.

Bundan əlavə bu ölkənin kənd təssərüfatı, əmək və dövlət qulluğu nazirliklərinin və SONAP milli neft şirkətinin rəhbərlikləri ilə də görüşlər baş tutub.

Bu görüşlər zamanı iki ölkə arasında əməkdaşlığın inkişafı üçün ticarət, sərmayə, kənd təsərrüfatı, faydalı qazıntıların istifadəsi və digər sahələrdə əməkdaşlıq istiqamətləri və hüquq-müqavilə bazasının yaradılması ilə bağlı müzakirələr aparılıb, eyni zamanda Azərbaycanın "ASAN xidmət" konsepsiyası barədə qarşı tərəfə geniş məlumat verilib.

Oxşar xəbərlər

Azərbaycanla Qvineya-Bissau arasında siyasi məsləhətləşmələrin ilk iclası keçirilib

Xarici işlər nazirinin müavini Yalçın Rəfiyev Efiopiyada səfərdə olub

Azərbaycan hökumət missiyası Somaliyə səfər edib

Qvineya-Bisau Prezidentinin Azərbaycana səfəri başa çatıb

Qvineya-Bisau Prezidenti Azərbaycana rəsmi səfərə gəlib