Avropa İttifaqı (Aİ) ABŞ ilə əməkdaşlığa və eyni zamanda öz ticari-iqtisadi maraqlarını qorumağa, Birləşmiş Ştatların Avropa mallarına rüsum tətbiq edəcəyi halda isə bu addıma cavab verməyə hazırdır.

“Sizinxeber.az” xəbər verir ki, bunu Avropa Komissiyasının (AK) sədri Ursula fon der Lyayen Polşanın Baş naziri Donald Tusk ilə Qdanskda birgə mətbuat konfransında bildirib.

“Aİ və ABŞ arasında ticarət Atlantikanın hər iki tərəfindəki insanlar və biznes üçün faydalıdır. Dünyanın heç bir yerində Avropa İttifaqı və Birləşmiş Ştatlar kimi bir-biri ilə bu qədər sıx bağlı olan iki böyük iqtisadiyyat yoxdur”, - o qeyd edib.

Fon der Lyayenin sözlərinə görə, rüsumlar biznes xərclərini artırır, həm istehsalçılara, həm də istehlakçılara ziyan vurur, lüzumsuz iqtisadi problemlər yaradır.

"Buna görə də məsələ məqsədyönlü ədalətsiz və ya özbaşına tədbirlərlə bağlı olduqda, Avropa İttifaqı qətiyyətlə cavab verəcək", - o vurğulayıb.

Oxşar xəbərlər

Avropa İttifaqı ABŞ-nin təhdidlərini cavabsız qoymayacaq

Ursula fon der Lyayen: Avropa Komissiyası Aİ-nin müdafiəsinin gücləndirilməsi strategiyasını təqdim edəcək

Tramp Avropa İttifaqı ölkələrini hədələyib

KİV: ABŞ Aİ mallarına rüsum tətbiq etsə, birlik sərt cavab verəcək