Azərbaycanın BMT yanında Daimi Nümayəndəliyi BMT-nin İqtisadi və Sosial Şurasının Koordinasiya Seqmentində təmsil olunub, tədbirdə Bakıda keçirilən COP29 çərçivəsində əldə edilən mühüm nailiyyətlər vurğulanıb.

Bu barədə “Report”a diplomatik nümayəndəliyin mətbuat xidmətindən məlumat verilib.

Qeyd olunub ki, Azərbaycan tərəfi Dayanıqlı İnkişaf Məqsədlərinin (DİM) təşviqində davamlılığı və inklüzivliyi təmin etmək üçün transformasiya həllərinə sadiqliyini təsdiqləyib.

Tədbirdə COP29-un əsas nailiyyətləri, o cümlədən iqlim dəyişikliyi ilə mübarizə tədbirlərinin gücləndirilməsinə yönələn Fəaliyyət Proqramı və “İqlim və Sağlamlıq üzrə Bakı COP Sədrliklərinin Varislik Koalisiyası”nın əhəmiyyəti vurğulanıb.

Həmçinin vurğulanıb ki, COP29-da müvafiq fəaliyyətlər nəticəsində yaranan sürət daha iddialı məqsədlər və gücləndirilmiş tərəfdaşlıq üçün əsas rolunu oynamalıdır.

BMT-nin Üzv Dövlətləri DİM-lərə yaxından uyğun gələn COP29 öhdəliklərini və bəyannamələrini dəstəkləməyə dəvət edilib.

Oxşar xəbərlər

ÜST Azərbaycan və tərəfdaşları COP29-a hazırlıq məqsədilə Vahid Sağlamlıq dialoqu keçirib

Meksika radiosunda COP29 tədbirinin əhəmiyyətindən danışılıb

COP29: Gənclər iqlim gündəliklərinin inkişafında yeni perspektivlər açır

Teymur Musayev: İqlim dəyişikliyinin nəticələri səhiyyə sisteminin dayanıqlılığını təhdid edir

GECF və OPEC COP29-da iqlim dəyişikliyi ilə mübarizə çərçivəsində birgə addımları müzakirə ediblər