Bakıda təqdim olunan UIA alətləri Memarların Dünya Konqresində nümayiş etdiriləcək

Bakıda təqdim olunan, Beynəlxalq Memarlar İttifaqının (UIA) hazırladığı alətlər İspaniyanın Barselona şəhərində keçiriləcək Memarların Dünya Konqresində nümayiş etdiriləcək.

"Sizinxeber.az" xəbər verir ki, bunu Portuqaldilli Ölkələrin Beynəlxalq Memarlar Şurasının (CIALP) prezidenti, memarlıq üzrə fəlsəfə doktoru Rui Leao Bakıda keçirilən Ümümdünya Şəhərsalma Forumunun 13-cü sessiyası (WUF13) çərçivəsində təşkil olunmuş "Dayanıqlı İnkişaf Məqsədlərindən Mənzillərə" adlı tədbirdə bildirib.

Onun sözlərinə görə, həmin alətlər Dayanıqlı İnkişaf Məqsədlərinin (SDG) şəhərsalma və memarlıq layihələrində daha effektiv tətbiqinə xidmət edir.

Konqres 28 iyun-1 iyul tarixlərində olacaq. Tədbirdə keçid dövründə olan dünyanın əsas urbanizasiya çağırışları müzakirə olunacaq.