İlin əvvəlində Gürcüstanın xarici işlər naziri Maka Boçorişvilinin Bakıya ilk rəsmi səfərinin olması vacibdir.

APA-nın Tbilisi müxbiri xəbər verir ki, bunu Gürcüstanın Azərbaycandakı fövqəladə və səlahiyyətli səfiri Zurab Pataradze deyib.

Onun sözlərinə görə, bu görüşlər ölkələr arasında əlaqələrin inkişafına və möhkəmlənməsinə töhfə verəcək.

"Azərbaycan Gürcüstan üçün strateji tərəfdaş və dost ölkədir. Ölkələrimiz arasında əlaqələr dinamik şəkildə inkişaf edir. İlin əvvəlində Gürcüstanın xarici işlər naziri xanım Maka Boçorişvilinin Bakı şəhərinə ilk rəsmi səfərinin olması vacibdir. Bir sıra görüşlərin keçirilməsi nəzərdə tutulub. İkitərəfli münasibətlərin bütün spektri, o cümlədən siyasi, ticari-iqtisadi, mədəni və humanitar məsələlər müzakirə olunacaq. İnanıram ki, bu görüşlər ölkələr arasında münasibətlərin stimullaşdırılmasına, möhkəmlənməsinə kömək edəcək və təbii ki, yeni mərhələyə yüksəldəcək” - deyə səfir bildirib.

Oxşar xəbərlər

Azərbaycan səfiri Gürcüstanın XİN başçısı ilə regional məsələləri müzakirə edib

Gürcüstan XİN başçısı bu gün Azərbaycana ilk rəsmi səfərini edəcək

İrakli Kobaxidze: Gürcüstan üçün regional əməkdaşlıq çox vacibdir

Ceyhun Bayramov Gürcüstanın yeni XİN rəhbəri ilə telefon danışığı aparıb

XİN rəhbəri: Gürcüstan hər zaman Azərbaycanın yanındadır