Azərbaycanın Perudakı Səfirliyinin təşəbbüsü və yerli icra hakimiyyəti orqanlarının dəstəyi ilə bu ölkənin paytaxtı Lima şəhərinin ən populyar "Circuito Mágico Del Agua" mərkəzi parkının musiqili fəvvarələri xüsusi lazer işıqlandırma texnologiyası ilə 8 Noyabr Zəfər Gününə həsr olunmuş videoproyeksiya nümayiş olunub, park Azərbaycanın bayrağının rənglərinə bürünüb.

Bu barədə “Report”a səfirlikdən bildirilib.

Parkı ziyarət edən minlərlə şəhər sakininə Azərbaycanın Zəfər Günü, işğaldan azad edilmiş torpaqlarda aparılan genişmiqyaslı bərpa işləri, "Xarıbülbül" beynəlxalq musiqi festivalı, eləcə də ölkəmizin tarixi, mədəniyyəti və incəsənəti barədə videoçarxlar nümayiş etdirilib. Azərbaycan bəstəkarlarının musiqiləri səsləndirilib.

Nümayiş parkın çoxsaylı qonaqları tərəfindən böyük maraqla qarşılanıb.

Oxşar xəbərlər

8 Noyabr - Zəfər Günü İstanbulda qeyd edilib

Kubada Zəfər Gününə həsr olunmuş konsert proqramı keçirilib

Azərbaycanın Zəfər Günü münasibətilə Ankarada genişmiqyaslı tədbir keçiriləcək

Naxçıvanda Zəfər Günü münasibətilə atəşfəşanlıq olacaq