Pakistanın Azərbaycandakı Səfirliyində Müstəqillik Günü münasibətilə tədbir keçirilib.

APA xəbər verir ki, tədbirdə iştirakçılara Pakistan Prezidenti Asif Əli Zərdarinin və Pakistanın Baş naziri Şahbaz Şərifin müraciətləri səsləndirilib.

Hər iki dövlət xadimi iki ölkə arasındakı dostluq və əməkdaşlığın inkişafının önəmini qeyd edib.

Pakistanın Azərbaycandakı səfiri Qasım Mohiuddin çıxış edərək, ölkəsi ilə Azərbaycan arasındakı əlaqələrin hazırkı vəziyyətindən danışıb.

O bildirib ki, hər iki ölkə iqtisadiyyatının müxtəlif sahələrində geniş tərəfdaşlıq əlaqələrinə malikdir.

Diplomat, həmçinin Pakistanla Azərbaycanın bir-birinin ədalətli mövqeyini müxtəlif beynəlxalq platformalarda daim dəstəklədiyini vurğulayıb.

O, dövlətlərarası münasibətlərin daha da inkişaf edəcəyinə əminliyini bildirib.

Q. Mohiuddin deyib ki, hər iki ölkə üçün qlobal sülh və təhlükəsizliyin möhkəmləndirilməsi xüsusi önəm daşıyır.

Tədbirdə Pakistan diasporunun nümayəndələri və jurnalistlər iştirak edib.

Oxşar xəbərlər

Səfir: Pakistanla Azərbaycan arasında əməkdaşlığı daha da inkişaf etdirməyə çalışacağıq

Səfir: Pakistan Kəşmir münaqişəsinin sülh əsasında nizamlanmasına sadiqdir

İstanbulda Dünya Azərbaycanlılarının Həmrəylik Günü münasibətilə tədbir keçirilib - FOTO

Ceyhun Bayramov Pakistanın yeni səfirini qəbul edib

Pakistanın yeni səfiri etimadnaməsini Prezident İlham Əliyevə təqdim edib - YENİLƏNİB