Azərbaycanla Şimali Kipr arasındakı əlaqələr xüsusi xarakter daşıyır.

APA xəbər verir ki, bunu Şimali Kipr Türk Cümhuriyyətinin Baş naziri Ünal Üstel Bakıda keçirilən Şimali Kipr Mədəniyyət Günü münasibətilə təşkil olunmuş mətbuat konfransında deyib.

Ünal Üstel bildirib ki, bu münasibətlər sadəcə dövlətlərarası əməkdaşlıq deyil, ortaq tarixə, mədəniyyətə və qardaşlığa əsaslanan bağlardır.

“Bu gün burada ortaq gələcəyimiz və birgə hədəflərimiz naminə toplaşmışıq. Azərbaycanla Şimali Kipr Türk Cümhuriyyəti arasındakı münasibətlər adi dövlətlərarası əlaqələr deyil. Bu, qəlb bağıdır, ortaq taledir”, - Baş nazir vurğulayıb.

O qeyd edib ki, Azərbaycan, Türkiyə və Şimali Kipr arasında formalaşan həmrəylik Türk dünyasının birliyinin mühüm nümunəsidir: “Biz bu münasibətləri bir cümlə ilə ifadə edirik: Bir millət, üç dövlət. Türkiyə və Azərbaycan bizim ən yaxın qardaşlarımızdır”.

Ünal Üstel əlavə edib ki, xalqlar arasında mövcud olan dostluq və qarşılıqlı dəstək gələcək illərdə də əməkdaşlığın inkişafına töhfə verəcək: “Ortaq dəyərlərimiz və qardaşlıq münasibətlərimiz gələcək nəsillərə ötürüləcək ən böyük sərvətlərimizdən biridir”.

Qeyd edək ki, İçərişəhərdə keçirilən mədəniyyət günündə Şimali Kiprin milli-mədəni irsi, incəsənəti, musiqisi, rəqsləri, mətbəxi və turizm potensialının nümayiş etdirilir.

Oxşar xəbərlər

Nazir: Şimali Kipr Azərbaycanla əlaqələrin inkişafına xüsusi önəm verir

Şimali Kipr Türk Respublikasının Baş naziri Bakıya səfər edəcək

Dövlət başçısı Antalyada Şimali Kipr Prezidenti ilə görüşüb - YENİLƏNİB

Azərbaycanda Şimali Kipr Türk Cümhuriyyətini tanıdılması ilə bağlı tədbir keçiriləcək

Əli Əsədov Şimali Kiprin Baş naziri ilə görüşüb