Gürcüstanın Prezidenti Mixeil Kavelaşvili Azərbaycan Prezidenti İlham Əliyevə təbrik ünvanlayıb.

Sizinxeber.az xəbər verir ki, məktubda deyilir:

"Zati-aliləri, əziz həmkarım.

Sizi və dost Azərbaycan xalqını ölkənizin Müstəqilliyi Günü münasibətilə gürcü xalqı adından və şəxsən öz adımdan səmimi-qəlbdən təbrik etməkdən və ən xoş arzularımı çatdırmaqdan şərəf duyuram.

Ölkələrimiz arasında hazırkı strateji tərəfdaşlıq bizim tarixi əlaqələrimizin məntiqi davamıdır. Sizin Gürcüstana olduqca səmərəli dövlət səfəriniz iki ölkə arasında münasibətlərin inkişafına təkan verərək əlaqələri yeni səviyyəyə yüksəltdi. İnanıram ki, Gürcüstan ilə Azərbaycan arasında mehriban qonşuluq münasibətləri və möhkəm strateji tərəfdaşlığa əsaslanan əməkdaşlıq, birgə icra etdiyimiz strateji layihələr xalqlarımızın rifahını yüksəltməklə yanaşı, həm ölkələrimizdə, həm də regionda sülhü, əmin-amanlığı və sabitliyi daha da möhkəmləndirəcək.

Bu əlamətdar gündə fürsətdən istifadə edərək Sizə xoşbəxtlik, fəaliyyətinizdə uğurlar, dost Azərbaycan xalqına isə davamlı sülh və firavanlıq arzulayıram".

Oxşar xəbərlər

Sərdar Berdiməhəmmədov Azərbaycan Prezidentinə təbrik ünvanlayıb

Gürcüstanın Baş naziri İrakli Kobaxidze Prezident İlham Əliyevi təbrik edib

Dövlət başçısı İlham Əliyev Gürcüstanın yeni seçilmiş Prezidentini təbrik edib

Mixeil Kavelaşvili: Azərbaycan-Gürcüstan dostluğunu və güclü strateji tərəfdaşlığı yüksək qiymətləndiririk

Vuçiç Prezident İlham Əliyevə təbrik məktubu ünvanlayıb