Azərbaycan millisinin futbolçusu Mahir Emrelinin yayda verəcəyi qərar karyerasında ən vaciblərdən biri olacaq.

28 yaşlı hücumçu bu barədə "Report"a müsahibəsində bildirib.

O, Almaniyanın "Kayzerslautern" klubundan ayrıla biləcəyini istisna etməyib:

"Baş məşqçidən soruşublar ki, növbəti mövsümdə Mahiri görməmək ehtimalımız varmı? Səhv etmirəmsə, buna yaxın bir sual olub. O da təsdiqləyib və "hə" cavabı verib. Məşqçilər adətən bu cür açıqlama vermirlər. Bu, tək onların verəcəyi qərar deyil. Transfer təsdiqlənsə, söyləmək olar. Qərarları daha çox rəhbərlik verir. Mən rahatlıq istəyən adam olsaydım, Xorvatiyanın "Dinamo" klubunda qalardım. Mütəmadi oynayırdım və ya oynamırdım. Orada Xorvatiya millisinin əsas futbolçuları ilə rəqabətdə idim. Onlar dünya çempionatlarında medallar qazanmışdılar. Amma oynamaq istəyim hər zaman başqa mövzuların önünə keçib. İndi verəcəyim qərar karyeramda ən vaciblərdən biri olacaq. Çünki bu qərar ya bizi irəli aparacaq, ya da yerimizdə qalacağıq. Ona görə yaxşı düşünüb, məsləhət edib qərar vermək lazımdır. Klubda qala və ya gedə bilərəm".

Mahir Emrelinin müsahibəsinin tam versiyasını buradan oxuya bilərsiniz.

Oxşar xəbərlər

Mahir Emreli Almaniyanın II Bundesliqasında bombardir ola biləcəyini istisna etməyib

Mahir Emreli rəsmən "Dinamo"dan ayrılıb

Mahir Emreli Almaniya klubunda məhsuldar ötürmə verib

Mahir Emreli Almaniya klubunda 10 nömrəli formanı geyinəcək

Mahir Emreli məhsuldar ötürmə verib, komandası uduzub – YENİLƏNİB