Dövlət Gömrük Komitəsi tərəfindən keçirilmiş kompleks gömrük nəzarəti və əməliyyat-axtarış tədbirləri nəticəsində xüsusilə külli miqdarda tütün məmulatlarının qanunsuz yolla ölkə ərazisinə gətirilərək realizə edilməsinin qarşısı alınıb.

Bu barədə "APA-Economics"ə Dövlət Gömrük Xidmətindən məlumat verilib.

Məlumata görə, qabaqcadan əlbir olan bir qrup şəxs tərəfindən saxta sənədlərdən aldatma yolu ilə istifadə edilərək Türkiyədən Azərbaycana gələn nəqliyyat vasitəsindəki “gübrə” yükünün arxasında aşkarlanmanı çətinləşdirən üsulla yerləşdirilmiş 1 milyon 500 min manat dəyərində, 1000 karton qutuda 10 milyon ədəd “Boston” markalı müvafiq nişanlanması olmayan siqaretin qaçaqmalçılığı faktı aşkarlanıb və onun törədilməsində şübhəli bilinən şəxslər saxlanılıb.

Faktla bağlı Dövlət Gömrük Komitəsinin Əməliyyat-istintaq Baş İdarəsində Azərbaycan Respublikası CM-nin 206.3.2, 213-1.2.1 və 213-1.2.3-cü maddələri ilə cinayət işi başlanıb, cinayətlərin törədilməsində iştirakı müəyyən edilmiş şəxslərdən 3 nəfəri təqsirləndirilən şəxs qismində cəlb edilməklə barələrində məhkəmə qərarları ilə həbs qətimkan tədbiri seçilib.

Cinayətlərin törədilməsində iştirakı olan bütün şəxslərin tapılaraq məsuliyyətə cəlb olunması istiqamətində istintaq-əməliyyat tədbirləri davam etdirilir.

Oxşar xəbərlər

Türkiyədən Azərbaycana 500 min manatlıq siqaretin qanunsuz gətirilməsinin qarşısı alınıb

DTX və DSX-dan əməliyyat: İran vətəndaşlarının qaçaqmalçılıq yolu ilə Azərbaycana keçirdiyi külli miqdarda narkotik götürülüb

Bakıda külli miqdarda aksiz markasız siqaret aşkar edilib - FOTO

Külli miqdarda narkotikin Azərbaycana keçirilməsinin qarşısı alınıb - FOTO

İrandan Azərbaycana 80 kq narkotikin keçirilməsinin qarşısı alınıb - FOTO