Dairə hüdudlarında səsvermə prosesi normal qaydada davam edir.

Bunu “Sizinxeber.az”un Şimal-qərb bürosuna açıqlamasında 117 saylı Oğuz-Qəbələ-Şəki Dairə Seçki Komissiyasının (DSK) sədri Rəsul Cəfərov deyib.

DSK sədri bildirib ki, dairə üzrə bütün seçki məntəqələrində səsvermə prosesi qaydalara uyğun davam edir:

“Dairə üzrə 64 məntəqədə 55 min 065 seçici qeydiyyatdadır, onlardan 332 nəfər ilk dəfə səsvermə hüququndan istifadə edəcək. Yaşı 100-dən yuxarı olan 1 seçici var.

Ümumilikdə 11 bələdiyyədə 121 yer uğrunda 251 namizəd mübarizə aparır. Səsvermə prosesini 941 müşahidəçi izləyir. Məntəqələr texniki avadanlıqlarla tam təchiz olunub, veb-kameralar quraşdırılıb, seçicilərin sərbəst səs vermələri üçün bütün şərait yaradılıb”.

Qeyd edək ki, səsvermə saat 19:00-a qədər davam edəcək.

Seçkilər ölkə ərazisindəki 118 seçki dairəsini əhatə edən 5 min 846 məntəqədə keçirilir. 685 bələdiyyənin 8 min 71 üzvü üçün 16 min 92 namizəd mübarizə aparır.

Mərkəzi Seçki Komissiyasının (MSK) məlumatına əsasən, bələdiyyə seçkilərində səsvermə hüququ olan 5 milyon 961 min 987 seçici var.

Oxşar xəbərlər

97 saylı DSK sədri: Səsvermə prosesi normal keçir, hər hansı şikayət daxil olmayıb [xfgiven_updateblue][/xfgiven_updateblue]

99 saylı DSK sədri: Dairə üzrə səsvermənin gedişini 730 müşahidəçi izləyir [xfgiven_updateblue][/xfgiven_updateblue]

Məntəqə sədri: Naxçıvanda erkən saatlardan seçici aktivliyi müşahidə olunur [xfgiven_updateblue][/xfgiven_updateblue]

Balakəndə 102 yaşlı seçici səs verib [xfgiven_updateblue][/xfgiven_updateblue]

Aran zonasında səsvermə başlayıb [xfgiven_updateblue][/xfgiven_updateblue]