İyunun 7-14-də Gəncədə basketbol üzrə kişilərdən ibarət Azərbaycan millisinin təlim-məşq toplanışı baş tutacaq.

Azərbaycan Basketbol Federasiyasından "Report"a verilən məlumata görə, komandanın baş məşqçisi Tahir Baxşıyev hazırlıq prosesinə aşağıdakı oyunçuları dəvət edib:

Amil Həmzəyev, Kamran Məmmədov, Endar Poladxanlı, Şirzad Şirzadov, Elşad Şirzadov, Cəbrayıl Əkbərov, Əkbər Məmmədov, Ulaş Turqut, Ercan Donat, Səid İsmayılov, Emanuel Aqbason, Orxan Aydın, Nicat Məmmədli və Derin Berkoz.

Toplanış yığmanın 2029-cu ildə baş tutacaq Avropa Çempionatının (EuroBasket 2029) ilkin seçmə mərhələsində Lüksemburq və İrlandiya yığmalarına qarşı keçirəcəyi son qrup oyunlarına hazırlıq məqsədi daşıyır.

Qeyd edək ki, Gəncə toplanışında əsas milli komanda ilə yanaşı, U-18 və U-20 yığmaları da iştirak edəcəklər.

Oxşar xəbərlər

Kişi basketbolçulardan ibarət Azərbaycan millisinin heyəti açıqlanıb

Azərbaycanın basketbol millisi Belarusa yollanıb

"Quba"nın basketbolçusu mundialın seçmə mərhələsində Azərbaycan millisinin baş məşqçisi olacaq

Azərbaycanın 3x3 basketbol millisi sabah dünya çempionatının hazırlığına başlayacaq

Amil Həmzəyev: "Dünya çempionatının seçmə mərhələsində çətin qrupa düşmüşdük"