110 saylı Balakən seçki dairəsinin 9 saylı seçki məntəqəsində yaşı 100-dən yuxarı olan seçici səs verib.

Bu barədə "Report"un Şimal-Qərb bürosuna 110 saylı Balakən dairə seçki komissiyasının (DSK) sədri Vahid Əliyev məlumat verib.

Onun sözlərinə görə, Balakənin Gərəkli kəndində yaşayan 1922-ci il təvəllüdlü Pətimat Əli qızı Xəlilova adlı seçicinin evinə daşınan seçki qutusu aparılıb və yaşlı seçici səsvermə hüququndan istifadə edib.

DSK sədri bildirib ki, dairə üzrə qeydiyyatda olan 39 min 364 seçici 44 məntəqədə səs verir. Onlardan 447 nəfəri səsvermə hüququndan ilk dəfə yararlanır.

Dairə üzrə səsvermənin gedişini 769 müşahidəçi izləyir.

Oxşar xəbərlər

81 saylı İmişli seçki dairəsi üzrə səsverməni 872 müşahidəçi izləyir  

81 saylı İmişli seçki dairəsi üzrə ən yaşlı seçicinin 112 yaşı var

69 saylı Biləsuvar seçki dairəsi üzrə ən yaşlı seçicinin 101 yaşı var