Hazırkı informasiya məkanında doğru, etibarlı, qərəzsiz informasiya əldə etmək üçün media savadlı olmağa xüsusi ehtiyac var.

"Report" xəbər verir ki, bunu Audiovizual Şuranın sədri İsmət Səttarov "Media Savadlılığı" konfransında deyib.

O bildirib ki, media savadlılığı ehtiyac duyulan məlumatı tapmaq, qiymətləndirmək və ondan səmərəli istifadə etmək bacarığıdır:

"İnformasiyanı anlamaq, tənqidi düşünmək, jurnalistikanın prinsiplərini dərk etmək, medianın necə fəaliyyət göstərdiyini başa düşmək, mediada yayılan məlumat və hadisələrin heç də həmişə reallığı əks etdirmədiyini anlamaq media savadlılığının əsasını təşkil edir.

İnformasiyadan düzgün istifadə nəinki jurnalistlər, eyni zamanda, hər kateqoriyadan olan insan üçün olduqca böyük əhəmiyyət kəsb edir".

İ.Səttarov qeyd edib ki, bu kontekstdə media savadlılığının hər bir insanın təhsilində yer alması çox mühümdür.

"Media savadlılığının müxtəlif səviyyələrdəki təhsil proqramlarına daxil edilməsini artıq günün zərurətinə çevrildiyini deyə bilərik".

Oxşar xəbərlər

Agentlik rəhbəri: Ənənəvi media süni intellektin yaratdığı imkanları və riskləri dəqiq dəyərləndirməlidir

“Report”un direktoru: Dezinformasiyaya qarşı mübarizədə jurnalistlərin peşəkarlığı əsas amildir

Hacıbəy Heydərli: Media subyektləri dezinformasiyalara qarşı sosial şəbəkələrdə fəal olmalıdır