Türkmənistanda keçirilən Azərbaycan Mədəniyyəti Günləri çərçivəsində "Arşın mal alan" tammetrajlı bədii filminin nümayişi olub.

Bu barədə "Sizinxeber.az"a Mədəniyyət Nazirliyindən məlumat verilib.

Bildirilib ki, görkəmli rejissor, Xalq artisti Tofiq Tağızadənin dahi bəstəkar Üzeyir Hacıbəylinin eyniadlı operettası əsasında 1965-ci ildə lentə aldığı "Arşın mal alan" filmi qısa müddət ərzində ölkəmizdə və xaricdə geniş tamaşaçı rəğbəti qazanıb.

Filmdə hadisələr XX əsrin əvvəllərində Bakıda cərəyan edir. Varlı gənc tacir Əsgər evlənmək istəsə də, dövrün adət-ənənələri ona gələcək həyat yoldaşını əvvəlcədən görməyə imkan vermir. Buna görə də o, arşınmalçı qiyafəsinə girərək sevdiyi qızı tapmağa çalışır. Film məhəbbət, ailə dəyərləri və dövrün sosial münasibətlərini yumor və musiqi dili ilə təqdim edir. Əsər Azərbaycan kino tarixinin ən məşhur musiqili ekran nümunələrindən hesab olunur.

Ssenari müəllifi Tofiq Tağızadə və Muxtar Dadaş olan ekran əsərində Azərbaycanın tanınmış aktyorları rol alıb.

Oxşar xəbərlər

Türkmənistanda "Arşın mal alan" tammetrajlı bədii filminin nümayişi olub

Əfsanəvi “Arşın mal alan” operettası Ankara tamaşaçılarını valeh edəcək

2 avqust - Azərbaycan Kinosu Günüdür

Aşqabadda Üzeyir Hacıbəylinin “Arşın Mal Alan” tamaşası nümayiş olunub

"Aşqabad" Kinoteatrında "Doğma torpaq" tammetrajlı bədii ekran əsəri nümayiş olunub