Türkmənistanın paytaxtı Aşqabadda A.S.Puşkin adına Rus Dram Teatrında dahi bəstəkar Üzeyir Hacıbəylinin ölməz əsəri “Arşın mal alan” tamaşası ənənəvi olaraq səhnəyə qoyulub.

Bu barədə "Report"a Azərbaycanın Türkmənistandakı Səfirliyindən məlumat verilib.

Azərbaycan klassik musiqisinin incisi sayılan bu əsər Aşqabad səhnəsində tamaşaçılar tərəfindən böyük maraq və alqışlarla qarşılanıb.

Tamaşanı Azərbaycanın Türkmənistandakı Səfirliyinin kollektivi və onların ailə üzvləri də izləyib. Axşamın sonunda səfirlik əməkdaşlarının övladları sənətçilərə gül dəstələri təqdim edərək, mədəniyyət ustalarını təbrik ediblər.

Qeyd olunub ki, “Arşın Mal Alan” tamaşası Türkmənistanın mədəniyyət həyatında xüsusi yer tutur. Tamaşa Aşqabadda müxtəlif teatrlarda səhnəyə qoyulur, 1980-ci illərdən etibarən isə bu əsər Aşqabaddakı A.S.Puşkin adına Rus Dram Teatrında müntəzəm olaraq səhnələşdirilir. Əsər həm yerli, həm də xarici tamaşaçılar tərəfindən böyük rəğbət və maraqla izlənilir, teatrsevərlər tərəfindən yüksək qiymətləndirilir.

Oxşar xəbərlər

Əfsanəvi “Arşın mal alan” operettası Ankara tamaşaçılarını valeh edəcək

Üzeyir Hacıbəylinin anadan olmasından 138 il ötür

Bu gün Azərbaycanda Milli Musiqi Günüdür

Qırğızıstan Milli Akademik Dram Teatrı "Dədə Qorqud" tamaşası ilə Bakıda çıxış edəcək

Gəncə Dövlət Milli Dram Teatrı Portuqaliyada tamaşa nümayiş etdirib