"Fox Sports" telekanalı və "Indeed" iş axtarışı platforması 50 min dollar maaşı olan "Futbol üzrə dünya çempionatının baş tamaşaçısı" vakansiyasının açıldığını elan edib.

"Report" ABŞ mediasına istinadən xəbər verir ki, bu barədə "Fox Sports" telekanalının marketinq üzrə prezidenti Robert Qottlib bildirib.

Onun sözlərinə görə, DÇ-2026-nın tarixi turnir olacağını nəzərə alaraq, kadr seçiminə də eyni dərəcədə tarixi yanaşma tələb olunur:

"Bir nəfər bu gözəl oyunu müəyyən edən hər bir hekayəni, hər bir komandanı və hər bir həyəcanlı anı yaşamaq və hiss etmək üçün həyatının işini əldə edəcək. O, 104 matçın hamısına baxmalı, kontent yaratmalı və "Times Square"də oyunların yayımı zamanı keçiriləcək tədbirlərdə iştirak etməlidir".

Futbol üzrə dünya çempionatı iyunun 11-dən iyulun 19-dək ABŞ, Kanada və Meksikada keçiriləcək.

Oxşar xəbərlər

Futbol üzrə dünya çempionatında rekord sayda hakim fəaliyyət göstərəcək

İran ABŞ-də futbol üzrə dünya çempionatında iştirak etməyə hazır olduğunu bildirib

2026-cı ildə cüdo üzrə dünya çempionatı Azərbaycanda keçiriləcək

DÇ-2026: Bilet satışlarına sentyabrdan etibarən start veriləcək

Lamin Yamalın mundialın ilk matçlarında oynamaması üçün İspaniya yığmasına müraciət edilib