Fransa Milli Assambleyası hərbi büdcənin 2030-cu ilə qədər 36 milyard avro artırılmasını yekun olaraq təsdiqləyib.

"Sizinxeber.az" xəbər verir ki, səsvermənin nəticələri parlamentin saytında canlı yayımda açıqlanıb.

Tələb olunan 245 səs çoxluğu olduğu halda, bu qərarı 375 deputat dəstəkləyib.

"Bu qanun layihəsi 2026-2030-cu illər ərzində maliyyələşmənin 36 milyard avro artırılmasını konkretləşdirir. Təbii ki, bu səylər büdcə ilə bağlı vəziyyətin kəskin şəkildə pisləşdiyi tam dərk edilərək həyata keçirilir", - Fransanın silahlı qüvvələr naziri Katrin Votren bildirib.

2024-2030-cu illər proqramı çərçivəsində ümumi müdafiə xərcləri 400 milyard avrodan 436 milyard avroya qədər artacaq ki, bu da onları ÜDM-in 2,5%-nə çatdırmağa imkan verəcək. Əlavə vəsaitlər Ukrayna və Yaxın Şərqdəki müasir münaqişələrin təcrübəsi nəzərə alınmaqla, silah ehtiyatlarının artırılmasına və pilotsuz uçuş aparatlarının inkişafına yönəldiləcək. Bununla yanaşı, maliyyələşmənin həcminə gələcək illik büdcələrdə düzəlişlər edilə bilər.

Oxşar xəbərlər

Fransa Senatı hərbi planlaşdırma haqqında yenilənmiş qanunu təsdiqləyib

Norveç 2025-ci ildə Ukraynaya yardımı 3 milyard avroya çatdıracaq

BFMTV: Fransa iqtidarı 8 milyard avro məbləğində müdafiə sifarişlərini ödəməyib

Fransa parlamenti hərbi xərclərin artırılmasını təsdiqləyib

Berlin Ukrayna üçün 20 milyard avroluq yardımı təsdiqlədi