“Aztelekom” MMC cəmiyyətin informasiyalara çıxışını asanlaşdırmaq və rəqəmsal resurslardan istifadə imkanlarını genişləndirmək məqsədilə növbəti sosial məsuliyyət layihəsini həyata keçirib.

Bu barədə “Sizinxeber.az-Economics”ə Rəqəmsal İnkişaf və Nəqliyyat Nazirliyindən bildirilib.

Məlumata görə, layihə çərçivəsində Azərbaycan Milli Kitabxanasının nəzdində fəaliyyət göstərən “Açıq kitabxana” genişzolaqlı internet xidməti ilə təmin edilib.

2016-cı ildən ictimaiyyətin istifadəsinə açıq olan “Açıq kitabxana” ziyarətçilərə həm fiziki, həm də rəqəmsal resurslardan yararlanmaq imkanı təqdim edir. “Aztelekom” MMC-nin təqdim etdiyi sürətli internet sayəsində oxucular beynəlxalq onlayn kitabxanalara, elmi mənbələrə daha rahat və sürətli çıxış imkanı əldə edirlər.

“Aztelekom” MMC sosial məsuliyyət strategiyası çərçivəsində cəmiyyətin inkişafına yönəlmiş layihələrdə iştirak edərək ölkənin rəqəmsal transformasiyasına öz töhfəsini verməyə davam edəcək.

Oxşar xəbərlər

Abşeronun 99%-i yüksəksürətli internetlə təmin olunub - FOTO

Baş nazir: Yaşayış və kommersiya obyektlərinin 99%-dən çoxu yüksəksürətli genişzolaqlı internetə qoşulub

"Aztelekom"un rəhbəri dəyişib