Gəncədə güclü külək və leysan fəsadlar törədib - FOTO

Gəncə şəhərində gecə saatlarından başlayan güclü külək və leysan ciddi fəsadlara yol açıb.

Sizinxeber.az-nın yerli bürosunun məlumatına görə, təbii fəlakət nəticəsində şəhərin bir neçə yerində iri gövdəli ağaclar aşaraq yolda hərəkətə maneə yaradıb.

Gecə saatlarında yağan güclü yağışdan sonra gələn sel suları şəhərin bəzi ərazilərində evlərə dolub.

Hazırda qərb bölgəsində qeyri-sabit hava şəraiti davam edir.