Azərbaycanda bu ilin əvvəlindən sükan arxasında mobil telefondan istifadə ilə bağlı 11 mindən çox inzibati xəta faktı aşkarlanıb.

Bu barədə "Sizinxeber.az"a Baş Dövlət Yo Polisi İdarəsindən məlumat verilib.

Bildirilib ki, mobil telefondan istifadə nəticəsində yaranan diqqətsizlik ağır yol-nəqliyyat hadisələrinə səbəb ola biləcək əsas risk amillərindən biridir:

"Bu təhlükənin qarşısının alınması nəzarət tədbirləri ilə yanaşı, hər bir sürücünün yol hərəkəti qaydalarına məsuliyyətlə yanaşmasından və sükan arxasında diqqətini yalnız yola yönəltməsindən asılıdır. Telefona baxan sürücü yolda baş verənləri vaxtında qiymətləndirə bilmir, yol nişanlarını, nişanlanma xətlərini, piyadaları və digər hərəkət iştirakçılarını nəzərdən qaçıra bilir. Telefonla məşğul olan sürücünün reaksiyası əhəmiyyətli dərəcədə ləngiyir ki, bu da qəfil yaranan təhlükə zamanı əyləc və ya manevr imkanlarını məhdudlaşdırır. Mobil telefona yönələn diqqət sürücünün hərəkət zolağından çıxmasına, təhlükəli manevrlər etməsinə və qarşıdakı məsafəni düzgün qiymətləndirə bilməməsinə səbəb olur".

Oxşar xəbərlər

NİİM: Yol qəzalarının əsas səbəblərindən biri sükan arxasında mobil telefondan istifadədir - VİDEO

NİİM: Yol qəzalarının əsas səbəblərindən biri sükan arxasında mobil telefondan istifadədir - VİDEO - VİDEO

Bakıda telefonların səbəb olduğu qəzalar - Anbaan video

BDYPİ sürücülərə müraciət edib

Türkiyə vətəndaşı Bakı-Quba yolunda sükan arxasında ölüb