Naxçıvan Muxtar Respublikasının (MR) Şahbuz və Babək rayonlarında məktəbdənkənar təhsil müəssisələri üçün inşa olunan yeni binalar istifadəyə verilib.

"Sizinxeber.az"un yerli bürosunun məlumatına görə, oktyabrın 2-də Şahbuz və Babək rayonlarında məktəbdənkənar təhsil müəssisələri üçün inşa olunan yeni binaların açılış mərasimi keçirilib.

Naxçıvan MR təhsil naziri Elxan Nəcəfov yeni inşa olunan binalar barədə məlumat verib. O vurğulayıb ki, ümumilikdə Şahbuz Rayon Uşaq-Gənclər Yaradıcılıq Mərkəzi üzrə 35 qrup, 22 dərnək rəhbəri, 255 dərnək üzvü, Texniki yaradıcılıq Mərkəzi üzrə 20 qrup, 11 dərnək rəhbəri, 168 dərnək üzvü fəaliyyət göstərəcək. Həmçinin Diyarşünaslıq Mərkəzi üzrə 20 qrup,14 dərnək rəhbəri və 198 dərnək üzvünün iştirakı ilə tədrisə başlanacaq.

Bildirilib ki, Babək Rayon Texniki Yaradıcılıq Mərkəzi üzrə 23 qrup, 13 dərnək rəhbəri, 208 dərnək üzvü, Uşaq-Gənclər Yaradıcılıq Mərkəzi üzrə 43 qrup, 23 dərnək rəhbəri, 356 dərnək üzvü, həmçinin Turist Diyarşünaslıq Mərkəzi üzrə 21 qrup, 14 dərnək rəhbəri, və 200 dərnək üzvünün iştirakı ilə tədris həyata keçiriləcək.

Qeyd edək ki, binalardakı otaqların hər biri təyinatı üzrə mebel dəstləri, həmçinin dərnək məşğələlərinin tədris olunması üçün zəruri avadanlıqlarla təchiz olunub. Mərkəzlərin yerləşdiyi inzibati binaların hər birində internetə çıxışı təmin edilən 14 kompüter və 3 elektron lövhə quraşdırılıb. Binaların həyətində qazanxanalar tikilib, yaşıllıq sahəsi salınıb.

Oxşar xəbərlər

Naxçıvanda bir sıra tibb mərkəzləri “Tibb Müəssisələrinin İdarəetmə Birliyi” publik hüquqi şəxsinə təhvil verilib

Bu il ilk dəfə Füzulidə Kurmanqazı adına Uşaq Yaradıcılıq Mərkəzində şagirdlər təhsilə başlayacaq

Yeni tədris ilində Bakı məktəblərində yarım milyondan çox şagird təhsil alacaq

Azərbaycan və Qazaxıstan prezidentləri Füzulidə Uşaq Yaradıcılıq Mərkəzinin açılışında iştirak ediblər